Gələn il Bakıda 50 məktəbin İnkişaf Planı hazırlanacaq. Bakı Şəhəri üzrə Təhsil İdarəsi Təlimə Dəstək Mərkəzi (TDM) tərəfindən 30 məktəbin İnkişaf Planı hazırlanıb.
İdarədən APA-ya verilən xəbərə görə, İnkişaf Planı hazırlanan məktəblərin kollektivləri ilə görüşlər keçirilib:
“Görüşlərdə TDM-in metodistləri məktəblərdəki real vəziyyətlə tanış olmaq üçün dərs müşahidələri aparıb, təlim-tərbiyə prosesinin inkişafına yaxından dəstək göstərmək məqsədilə məktəb kollektivi ilə müzakirələr təşkil ediblər”.
Qeyd edək ki, növbəti təqvim ilində 50 məktəbin İnkişaf Planının hazırlanması nəzərdə tutulub.
